Il-Pjattaforma tal-UE ta’ Karti tad-Diversità
X’inhuma l-Karti tad-Diversità?
Il-Karti tad-Diversità Ewropea jgħinu lill-organizzazzjonijiet tas-settur pubbliku u privat madwar l-UE biex ifasslu u jimplimentaw politiki effettivi dwar id-diversità u l-inklużjoni. Bl-iffirmar tal-Karta, l-organizzazzjonijiet jimpenjaw irwieħhom pubblikament biex jippromwovu d-diversità u l-inklużjoni fuq il-post tax-xogħol. Il-Karti jiġu organizzati fuq livell nazzjonali, b’Karta għal kull pajjiż. Flimkien għandhom aktar minn 17,000 firmatarju (organizzazzjonijiet privati u pubbliċi, NGOs, trade unions), li jkopru aktar min 17-il miljun impjegat.
Is-26 Karta jingħaqdu flimkien permezz tal-Pjattaforma tal-UE tal-Karti tad-Diversità biex jiskambjaw l-aħjar prattiki u jiġu ispirati minn politiki ta’ suċċess imwettqa xi mkien ieħor fl-UE.
X’inhu r-rwol tagħhom fix-Xahar Ewropew għad-Diversità?
Ix-xahar huwa organizzat bl-appoġġ attiv tal-Karti nazzjonali tad-Diversità. Dawn jgħinu lill-Kummissjoni Ewropea tibni l-kunċett kull sena u ħafna jorganizzaw l-avvenimenti u l-attivitajiet tagħhom stess matul Mejju. Dan jiżgura li d-diversità u l-inklużjoni jiġu promossi fil-livell tal-pajjiż u reġjonali u mhux biss mill-Kummissjoni Ewropea.
Interessat li tissieħeb?
Jekk l-organizzazzjoni tiegħek hija impenjata favur id-diversità u l-inklużjoni u tixtieq tissieħeb fil-Karta, agħmel kuntatt ma’ dik ta’ pajjiżek u se tikseb appoġġ u għarfien espert minn organizzazzjonijiet li jaħsbuha bl-istess mod.
Biex tibqa’ aġġornat dwar ix-xogħol tal-Kummissjoni Ewropea fuq id-diversità u l-inklużjoni fuq il-post tax-xogħol u dwar l-inizzjattivi tal-Karti tad-diversità nazzjonali, tista’ tirreġistra f’fuljett dedikat tal-Pjattaforma tal-Karti tad-diversità tal-UE
