Ix-Xahar Ewropew tad-Diversità 2024 - Promozzjoni tad-Diversità fl-UE fl-2024

Ejjew nibnu soċjetà aktar inklużiva flimkien

Ix-xahar ta’ Mejju jimmarka x-Xahar Ewropew tad-Diversità fl-UE. Qed nappellaw lill-kumpaniji u lill-organizzazzjonijiet fl-Ewropa biex jingħaqdu magħna, mal-Kummissjoni Ewropea, biex jitfgħu dawl fuq l-importanza tad-diversità u l-inklużjoni fuq il-post tax-xogħol u fis-soċjetà billi jorganizzaw avvenimenti u attivitajiet matul Mejju.

Helena Dalli, Kummissjarju għall-Ugwaljanza © Il-Kummissjoni Ewropea

Eluf ta' kumpaniji u organizzazzjonijiet bbażati fl-UE f'setturi differenti u ta' daqsijiet differenti qed isaħħu attivament l-inklużjoni u l-appartenenza fuq il-postijiet tax-xogħol tagħhom. B'hekk huma qed jikkontribwixxu għal Unjoni ta' Ugwaljanza, fejn kulħadd għandu valur u huwa apprezzat għal dak li jkun. Il-politiki dwar id-diversità u l-inklużjoni fuq il-post tax-xogħol jistgħu jgħinu wkoll lil organizzazzjonijiet, impjegaturi u ħaddiema biex jieħdu l-opportunitajiet ta' dinja tax-xogħol li qed tinbidel, imħeġġa mit-tranżizzjonijiet demografiċi, ekoloġiċi u teknoloġiċi.

Helena Dalli, Kummissarju tal-UE għall-Ugwaljanza

Inħaddnu l-futur tax-xogħol permezz tal-inklużjoni u d-diversità

F’era mmarkata b’tibdil kontinwu, organizzazzjonijiet Ewropej jridu jadattaw malajr biex jiżguraw li jkollhom suċċess. Id-diversità u l-inklużjoni huma valuri indispensabbli mhux biss għat-trawwim tal-innovazzjoni imma wkoll biex nikkultivaw post tax-xogħol reżiljenti li jkun ippreparat biex jinnaviga l-isfidi li aħna lkoll niffaċċjaw u biex negħlbu kwistjonijiet kontemporanji strutturali bħal:

Li tkun fuq quddiem billi trawwem forza tax-xogħol diversa u adatta teknoloġikament, li hi lesta biex tinnaviga l-komplessitajiet tal-era diġitali
Li tadatta għall-bżonnijiet ambjentali billi tintegra perspettivi diversi li jikkontribwixxu għal prattiki ekoloġiċi u approċċi responsabbli tan-negozju
Li tindirizza l-bżonnijiet u qawwiet uniċi ta’ forza tax-xogħol li qed tixjiħ, tirrikonoxxi r-rikezza tal-esperjenza li dawn iġibu u toħloq ambjent inklużiv għall-ġenerazzjonijiet kollha
Li tnaqqas id-differenzi tal-ħiliet billi trawwem kultura inklużiva li tħeġġeġ it-tagħlim kontinwu, il-kollaborazzjoni, u l-iskambju tal-għarfien fost individwi diversi

Ingħaqad magħna matul ix-Xaħar Ewropew għad-Diversita 2024 hekk kif niċċelebraw u nippromwovu l-qawwa tad-differenzi ħalli nfasslu post tax-xogħol modern u li jħares ‘il quddiem fejn il-kurżità, il-fluwidità u l-aċċettazzjoni jifflorixxu u jżidu l-iskambju tal-għarfien. Kun parti mill-futur tax-xogħol – fejn it-tħaddin tad-diversità ma jkunx sempliċi għażla imma neċessità strateġika.

Involvi ruħek

Dan huwa ċ-ċans għall-organizzazzjoni tiegħek biex tieħu pożizzjoni u tippromwovi d-diversità u l-inklużjoni. Organizza attivitajiet jew avvenimenti matul ix-xahar ta’ Mejju: ippromwovi l-politiki dwar id-diversità u l-inklużjoni tal-kumpanija tiegħek lill-persunal f’workshops jew fuq il-midja soċjali, pereżempju ma’ #EUDiversityMonth. Għaliex ma tużax dan ix-xahar bħala l-punt ta’ tluq biex jiġu żviluppati inizjattivi ġodda biex tmexxi l-kumpanija tiegħek 'il quddiem?

Għandek bżonn ispirazzjoni? Ikkonsulta l-Karti dwar id-Diversità nazzjonali tiegħek jew il-Gwida tagħna għall-ideat.

Ippjana l-kontribut tiegħek għal Ewropa aktar ugwali

Żgura l-viżibilità u ispira oħrajn bl-isforzi tiegħek billi tinkludihom fuq il-mappa tagħna tal-avvenimenti u l-attivitajiet li se jseħħu f’Mejju. Dan jieħu ħames minuti u jista’ jsir bil-lingwa tiegħek stess. Għad m’għandekx id-dettalji kollha? Tħallix dan iżommok, daħħal l-informazzjoni ewlenija dwar l-attività tiegħek issa u aġġornaha aktar tard.

Ara l-attivitajiet tad-diversità

Ingħaqad magħna għall-avveniment tat-tnedija!

Qed nagħtu bidu għax-Xahar ta’ din is-sena fid-25 ta’ April 2024. Ingħaqad magħna u mal-Kummissarju Dalli għall-avveniment tal-ftuħ ta’ livell għoli.

Iktar informazzjoni ser tkun disponibbli dalwaqt